Me anë të një rezolute në seancë të jashtëzakonshme, Kuvendi i Kosovës i kërkoi qeverisë mos të lejojë mbajtjen e referendumit të Serbisë në Kosovë, përcjell InLajmi.
Policia ndaloi kamionët me materiale zgjedhore në kufi, dhe ashtu siç u tha qysh në fillim edhe u bë, nuk u lejua mbajtja e referendumit serb në Kosovë.
Kosova, ka thënë se qytetarët serbë me shtetësi të dyfishtë do të mund të votojnë vetëm përmes postës apo Zyrës Ndërlidhëse serbe në Prishtinë.
Lidhur me këtë, zëdhënësi i Qeverisë së Kosovës, Përparim Kryeziu ka thënë se qëndrimet e tyre janë edhe veprime të tyre.
“Qëndrimet tona janë edhe veprime tona pat paralajmëruar kryeministri Kurti me 29 dhjetor 2021 në lidhje me e referendumin e Serbisë në Kosovë. Qëndrimet përveçse veprime i bëmë edhe vendime të zbatuara”,tha Kryeziu.
Sipas tij Qeveria, Presidenca dhe Kuvendi i Republikës së Kosovë u bënë bashkë në mbrojtje të Kushtetutës dhe ligjeve të Kosovës, dhe kundër mbajtjes së referendumit të Serbisë në Kosovë dhe praktikave të dëmshme të deritanishme.
Postimi i plotë i tij:
Qëndrimet tona janë edhe veprime tona, pat paralajmëruar kryeministri Kurti me 29 dhjetor 2021 në lidhje me e referendumin e Serbisë në Kosovë. Qëndrimet përveçse veprime i bëmë edhe vendime të zbatuara.
Qeveria, Presidenca dhe Kuvendi i Republikës së Kosovë u bënë bashkë në mbrojtje të Kushtetutës dhe ligjeve të Kosovës, dhe kundër mbajtjes së referendumit të Serbisë në Kosovë dhe praktikave të dëmshme të deritanishme./InLajmi/
