Qëndron Kastrati nga Partia Socialdemokrate në konferencën e mbajtur këtë të hënë, ka kërkuar nga Kuvendi i Kosovës që mos të votohet Projektligji për inspektime, raporton InLajmi.
Kastrati i ka bërë apel Asociacionit të Komunave që të merret me këtë çështje. Krejt kjo sipas tij që mos të lejohet që të hyhet në kompetencat e komunave.
“E ftoj Kuvendin e Kosovës mos ta votoj Ligjin për inspektim apo edhe Qeveria të tërhiqet nga ky ligj.
Nuk duhet të jetë një pushtet autoritar, por një që ka synim zhvillimin. Ftoj komunat në veçanti ta ankimojmë, që të merren me Ligjin për inspektimet sepse ndërhyhet në kompetencat e tyre”,tha Kastrati.
Sipas tij, pushteti i tyre më i afërt me qytetarin është komuna, pra duhet të ketë mkompetenca sa më shumë.
“Dhe së 2-ti mos të votoj një mekanizim të tillë, ku kishin me disiplinuar secilin qytetarë nga sektori i administratës shtetërore”,deklaroi ai. /InLajmi/
