Zëvendësministri i Drejtësisë, Blerim Sallahu, ua ka publikuar Betimin e Deputetit, të gjithë deputetëve që munguan dje në seancën e Kuvendit të Kosovës që u thirr nga kryeministri vendit Albin Kurti, për tu votuar rezoluta kundër mbajtjes së referendumit serb në Republikën e Kosovës, përcjell InLajmi.
Sallahu ka theksuar edhe rastin e deputetit Driton Selmanaj, i cili abstenoi dje në këtë seancë.
Mungesën e deputetëve në seancë, Sallahu e ka quajtur të paarsyeshme.
Postimi i tij i plotë:
Për ata deputetë që munguan paarsye dhe për deputetin që abstenoi në seancën e jashtëzakonshme të Kuvendit të Kosovës të datës 15/01/2022, të thirrur nga Kryeministri Albin Kurti
Neni 10
Betimi i deputetëve
Pas verifikimit të mandateve, deputetët betohen solemnisht.
Teksti i deklaratës është:
“Unë, deputet i Kuvendit të Republikës së Kosovës, betohem se me nder e me përkushtim do ta kryej detyrën time dhe do ta përfaqësoj me dinjitet popullin, do të punoj në interes të Kosovës dhe të gjithë qytetarëve të saj, do të angazhohem për mbrojtjen dhe për respektimin e kushtetutshmërisë dhe të ligjshmërisë, për mbrojtjen e tërësisë territoriale dhe të integritetit institucional të Kosovës, për garantimin e lirive dhe të drejtave të njeriut, në përputhje me ligjet e vendit dhe me standardet evropiane.” Betohem!/InLajmi/
