Ditën e djeshme ndërroi jetë 26 vjeçari nga qyteti i Mitrovicës, Ermal Delija, në Emergjencën e Qendrës Klinike Universitare të Kosovës (QKUK), si pasoj e lëndimeve të marra nga disa të rinjë që e thuhet se e kishin sulmuar fizikisht, përcjell InLajmi.
Dhëndri i të ndjerit, Visar Rexha, ka reaguar në lidhje me rastin ku sipas tij viktima është sulmuar në kokë, që si pasoj e këtij lëndimi ka qëndruar në koma për rreth 2 javë.
Rexha ka thënë së si pasoj e këtij lëndimi Delijas iu shfaqën edhe probleme të tjera, pas lëshimit nga spitali atij i janë shfaqur probleme më frymëmarrjen, e që sipas tij mos furnizimi më oksigjen në tru i shkaktoi vdekjen të ndjerit.
Ai ka ngushëlluar familjarët duke thënë se Ermali la prapa vetës nënën dhe motrat ku nuk arriti qe t’ua plotësoj dëshirën që ato kishin kundrejt tij, ta martonin djalin e vetëm të familjes.
Postimi i plotë i tij:
Për të gjithë qytetarët e Mitrovicës dhe të gjithë Kosovës.
Ermal Delija,26 vjeçari mitrovicas ka ndërruar jetë mbrëmë rreth orës 23:00 në QKUK në Emergjencë.
Ermali para disa muajve është sulmuar fizikisht në befasi nga një person i cili ka qenë i shoqëruar nga dikush,ku sulmuesi e ka goditur Ermalin në kokë dhe i ka shkaktuar plagë të rëndë,me të rënë në tokë Ermali është lënduar edhe më shumë si pasojë e rënjes me kokë në trotuar të rrugës.
Me anë të autoambulancës Ermali atë natë është dërguar në QKUK pa vetëdije në gjendje kome,pastaj është trajtuar tutje në repartin intenziv të QKUK-së për rreth një muaj.Në bazë të inqizimeve CT dhe analizave të thella,Ermali ka rezultuar me 2 hemorragji celebrale në tru,si pasojë e goditjeve të rënda nga sulmuesi.
Ermali për 2 javë e më shumë ka qëndruar në gjendje kome duke u trajtuar intenzivisht me oksigjen dhe terapi përkatëse.Pasiqë u zgjua nga koma,Ermali kishte humbur rreth 50% të peshës trupore dhe nuk mund të ushqehej vetë përmes gojës por vetëm me infuzione e mënyra tjera nga mjekët.
Pasi që hemorragjia celebrale i tërhiqet dhe mjekët e konstatojnë se mund të lirohet nga spitali atëher me anë të fletlëshimit nga QKUK Ermali lirohet për në shtëpi ku edhe më tutje vazhdon të marrë terapinë e caktuar nga mjekët në QKUK.
Ermali tejet i lodhur dhe me imunitet pothuajse zero fillon ti shfaqet një problem me frymëmarrje,dhe gjendja shumë shpejt shkoi duke iu keqësuar. Si pasojë e këtij problemi Ermali pa mbërrirë me shku në spital i bie të fikët në shtëpinë e tij si pasojë e mosfurnizimit të mjaftueshëm me oksigjen në tru.
Në atë moment Ermalin e marrin motrat me nënën dhe me disa nga fqinjët e tyre dhe e dërgojnë në Spitalin e Mitrovicës nga ku dërgohet për në QKUK me autoambulancë.Mjekët aty e konstatojnë se Ermalit iu ka shfaqur një infeksion dhe enjtje në kanalin e frymëmarrjes dhe vendosin ta operojnë,por atij fillon ti ulet pulsi e zemrës në mënyrë rapide dhe pas dhënjes së adrenalinës ai prap nuk mundi të mbijetoj.
Ermali vdiq mbrëmë me dt. 15.01.2022 si pasojë e mosfurnizimit me oksigjen në tru e cila i erdhi si pasojë e gjendjes fillestare që kishte.
Kjo është historia tragjike e Ermalit,djalë i vetëm i nanës Elheme dhe vëlla i vetëm i 3 motrave,Ermirës,Elvirës dhe Erblinës, të cilave ua ndali në gjysmë ëndrrën për ta martuar me dasëm e krushqi vëllanë e vetëm që kishin.
Zoti ua qoftë durimin dhe shëndetin familjes së Ermalit,miqëve dhe shokëve dhe tërë Mitrovicës,e ata që u bënë shkaktarë për këtë tragjedi e tërë këtë dhimbje,pa kurrfarë asrye bindëse por nga mëria e vetëgjyqësia,shpresojmë te Drejtësia e Organeve Kompetente të Kosovës për të vënë drejtësi dhe natyrisht Zoti ua dhashtë atë që meritojnë!
#DREJTËSI /InLajmi/
