Pekini ka raportuar infeksionin e tij të parë lokal Omicron, sipas mediave shtetërore, disa javë para fillimit të Lojërave Olimpike Dimërore.
Personi i infektuar jeton dhe punon në lagjen veriperëndimore të qytetit të Haidian dhe nuk kishte histori udhëtimesh jashtë Pekinit për 2 javët e fundit. Individi përjetoi simptoma të enjten dhe u testua të premten për Covid-19, thanë zyrtarët në një konferencë shtypi të shtunën, gjatë së cilës ata konfirmuan infeksionin, shkruan AP.
Infeksioni vjen më pak se 3 javë përpara ceremonisë së hapjes së Lojërave Olimpike Dimërore më 4 shkurt dhe rreth 2 javë para fillimit të festimeve të Vitit të Ri Hënor në Kinë, transmeton EO.
Deri më tani, qytete të shumta në Kinë kanë raportuar infeksione omicron, duke përfshirë Shangain, qytetin perëndimor të Xi’an, qytete në provincën jugore të Guangdong si Zhuhai dhe Zhongshan, dhe qytetin e Tianjin, i cili është 30 minuta nga Pekini.
