Luan Dalipi, shefi i kabinetit të kryeministrit Albin Kurti, ka publikuar disa grafika të shpenzimeve të qeverive të kaluara prej viteve 2008-2021, përcjell InLajmi.
Këto grafika i ka nxjerrë në kuadër të asaj se sa kanë shpenzuar kabineti i Kurtit, Hotit, Haradinajt, Thaçit dhe Mustafës, bazuar në një mesatare ditore dhe mujore të shpenzimeve.
Dalipi si kabinetin më të përgjegjshëm e ka cilësuar kabinetin e Kurtit me më pak shpenzime.
Sipas të dhënave të publikuara nga ai, qeveria Kurti I ka pasur më së paku shpenzime mesatare mujore me 1.188 euro.
Ndërsa kabineti që ka shpenzuar më së shumti, sipas këtyre të dhënave, del të jetë ai i qeverisë Thaçi II me 4.041 euro të shpenzuara mesatarisht çdo muaj.
Postimi i plotë i tij:
Numrat. Kabineti Kurti më i përgjegjshëm në shpenzime se Kabineti— Hoti për 65%, Haradinaj për 320%, Mustafa për 87%, Thaçi II 104%, dhe Thaçi I për 32%.
Tabela dhe grafet (për kategori të përzgjedhura): Krahasim i shpenzimeve mesatare mujore të Kabineteve të Kryeministrave gjatë 2008 – 2021.
Për ilustrim, në vijim shpenzimet mesatare DITORE të Kabineteve:
Kurti II: 1,981 euro;
Hoti: 3,276 euro;
Kurti I: 1,188 euro;
Haradinaj: 8,325 euro;
Mustafa: 3,713 euro;
Thaçi II: 4,041 euro. /InLajmi/
