Në seancën e jashtëzakonshme të Kuvendit të Kosovës, është duke u debatuar lidhur me nënshkrimin në fund të dokumentit të draf-rezolutës, raporton InLajmi.
Kujtim Gashi, nënkryetari i Kuvendit të Kosovës nga radhët e LDK-së, ka pyetur se derisa Qeveria e Kosovës e ka propozuar këtë draft rezolutë pse nuk figuron nënshkrimi i kryeministrit Albin Kurti, por i shefes së grupit parlamentarë të LVV, Mimoza Kusari Lila.
“Po e propozoni një dokument që nuk është i Qeverisë, kështu nuk funksionon në Kuvend.Ne çështjet i diskutojmë. Në këto raste duhet të jemi të kujdesshëm. Duhet të vendosim për çështje të rëndësishme. Kjo është ndërhyrja ime, qëllim i mirë që të jemi të kujdesshëm.Pastaj a do të ketë vota apo jo se dimë, por ne këto duhet t’i kemi parasysh, sepse po flasim për dokumente të shtetit”,i tha Gashi-Kurtit.
Ndërsa, kryeminsitri Kurti dha menjëherë një shpjegim lidhur me këtë çështje.
“Teksti i draft- rezolutës është e të 2 neve edhe imja edhe e Grupit parlamentarë, kemi vënë firmën e njërit, pra Mimoza Kusarit-Lila që të mund të diskutohet për versionin përfundimtarë”,tha Kurti.
Tutje Kusari Lila iu bëri thirrje shefave të grupeve parlamentare që nëse kanë sugjerime shtesë të takohen dhe t’i harmonizojnë dhe ta votojnë së bashku këtë rezoltutë.
Derisa nga AAK-ja, Besnik Tahiri tha se e përkrahin këtë rezolutë nga LDK-ja e patën një propozim.
“Kemi një propozim. Lidhur me diskutimin për presionin e Serbisë për të mbajtur referendum, paaftësisë së Qeverisë së Kosovës, duke marrë në konsideratë shqetësimin e qytetarëve, me qëllim të ruajtjes së sovranitetit ne propozojmë një propozim të draft rezolutës. Kërkojmë të shtohet edhe një pikë dhe bashkërishtë ta votojmë”,tha Gashi.
Ndryshe, Kuvendi i Kosovës ka shkuar në pauzë 10-të minutëshe për të vazhduar më tej seancën lidhur me këtë çështje mjaftë me rëndësi./InLajmi/
