Gjatë ditës se premte Lidhja Demokratike e Kosovës me seli në Vushtrri, ka mbajtur mbledhje të jashtëzakonshme, pas një situate të krijuar brenda partisë në këtë komune, përcjell InLajmi.
Kjo gjendje është krijuar pasi që 3 nga asamblistët e LDK-së Agron Perçuku, Alban Bajrami e Behar Duraku, gjatë 2 mbledhjeve që janë mbajtur në kuvendin komunal të Vushtrrisë kanë dal kundër vendimit që ka marr partia.
Thuhet së 3 nga asamblistët për interesa të tyre personale kanë votuar kryesuesin nga radhët e Partisë Demokratike të Kosovës, e pastaj njëjtë dhe sot KPF
Njoftimi i plotë nga LDK dega në Vushtrri:
Dega e LDK-së në Vushtrri në mbledhjen e jashtëzakonshme të mbajtur sot më datë 14.01.2022, pas situatës së krijuar në Kuvendin Komunal ku 3 asambleistët Agron Perçuku, Alban Bajrami e Behar Duraku, në 2 mbledhje radhazi, përkundër vendimit të degës së LDK-së ata për interesa personale kanë bashkuar votat me PDK duke votuar fillimisht kryesuesin PDK e pastaj sot edhe KPF.
- Ferit Idrizi i PDK-së vazhdimisht në debate televizive deklaronte hapur e publikisht që ka mbështetjen e disa ‘aktivistëve’ të LDK. Tradhëtarët u vet demaskuan në këto 2 mbledhje të Kuvendit të Komunës. Prandaj, për të gjithë aktivistët e devotshëm të LDK në Vushtrri tashmë është e qartë që këta tre persona për qëllime përfitimi personal e kanë tradhëtuar besimin e elektoratit dhe aktivistëve të LDK duke dëmtuar rëndë LDK-në, madje me veprimet tinëzare të tyre edhe gjatë fushatës elektorale duke ja dhuruar PDK-së fitoren e pamerituar në Vushtrri.
Kryesia e degës së LDK-së në mbledhjen e sotme vendosi me votat e të gjithë anëtarëve të pranishëm, 12 sosh, largimin e Agron Perçuku, Alban Bajrami e Behar Duraku nga grupi i asambleistëve të LDK-së dhe shkarkimin e tyre nga të gjitha pozitat e tyre në strukturat e LDK-së, për shkak se asambleistët e lartë përmendur bashkuan votën e tyre me PDK-në, mbështetën zgjedhjen e Kryesuesit të Kuvendit dhe zgjedhjen e KPF-së, e në kundërshtim me vendimin e degës së LDK-së duke e dëmtuar rëndë LDK-në.
Për z. Idrizin e sekserët e tij politik, që blejnë e tregëtojnë me vota asambleistësh, ju themi që janë të humbur, qeverisja juaj është e paaftë dhe pa vizion për qytetin e Vushtrrisë. Pushteti me votat të manipuliara nuk mundet të caktoj përfaqësuesit e opozitës në KPF, është praktikë j.demokratike e pa parë dhe e padëgjuar në historinë institucionale të Kosovës. LDK Vushtrri do ti drejtohet me ankesë MAPL për këtë shkelje të Kuvendit të Komunës.
LDK-së në Vushtrri, ka arritur që të rikthej besimin e qytetarëve të Vushtrrisë me punë e përkushtim. Mandati i blerë i Z. Idrizit dhe PDK do të ketë fund të keq, njësoj siç keq e kanë nisur. LDK Vushtrri do të jetë opozitë dhe gardiane e interesave të qytetarëve të Vushtrrisë.
Dega e LDK-së Vushtrri i falënderon asambleistët dhe votuesit besnik për përkrahje të parezervë./InLajmi/
