Gjysëmvjetori i 2-të i vitit të ri shkollorë ka filluar me 10 janar, ndërsa është duke u realizuar normalisht sipas skenarit të rikthimit në të gjitha shkollat e Republikës së Kosovës, me përjashtim të disave, shkruan InLajmi.
Këtë e ka bërë të ditur për Gazetën InLajmi, zëdhënësja e Ministrisë së Arsimit Shkencës dhe Teknologjisë, Iliriana Pylla, duke treguar arsyen pse disa shkolla nuk po e mbajnë procesin mësimorë sipas planifikimit.
“Sipas raportimit të Sektorët e Inspeksionit Arsimor (SIA-ve) dhe Drejtoria Komunale e Arsimit (DKA) ju njoftojmë se procesi mësimor është duke u realizuar normalisht sipas skenarit të rikthimit në të gjitha shkollat e Republikës së Kosovës, me përjashtim të disave”,tha Pylla.
Komuna e Ferizajt, gjegjësisht gjimnazi “Dr. Shaban Hashani” për shkak të defekteve të ngohjes, ka kaluar përkohësisht online, deri në sanimin e defekteve.
Pastaj Shkolla Fillore e Mesme dhe e Ulët “Gjon Serreqi” është duke e zhvilluar procesin mësimor në 4 ndërrime, me kohëzgjatje të orës mësimore prej 25 minutash për shkak të numrit të madh të nxënësve.
Ndërsa, Pylla njoftoi më tej se bazuar në të dhënat që i kanë marrë nga Drejtoria Komunale e Arsimit në Vushtrri sot janë paraqitur edhe 5 raste me koronavirus.
“Në këtë komunë të gjitha shkollat e kësaj komune punojnë me skenarin e rikthimit. Po ashtu nga Drejtoria Komunale e Arsimit në Mitrovicë ka disa raste me koronavirus në disa shkolla. Të gjitha shkollat e kësaj komune punojnë me skenarin e rikthimit”,deklaroi Pylla.
E me këtë skenar do të punojnë edhe shkollat në Veri të Mitrovicës, derisa nuk kanë raste me koronavirus. Lindita Canolli Fejzullahi /InLajmi/
