Presidenti i Shqipërisë, Ilir Meta, ka thënë se në rajonin tonë nuk ka kombe të mëdha dhe të të vogla, përcjell InLajmi.
Meta ka thënë se rivizatimi i kufijëve nuk është zgjidhje dhe se kur ka dështuar ka qenë një katastrofë për rajonin.
Ai tutje ka thënë se respektimi i të gjitha minoriteteve është zgjidhje e vetme.
Postimi i plotë i tij:
Në rajonin tonë, nuk ka kombe të mëdha dhe kombe të vegjël.
Në rajonin tonë duhet të ketë vlera europiane, që mbrohen dhe respektohen njësoj nga të gjithë.
Nuk mund të jetë zgjidhje rivizatimi i kufijve, sepse kjo çështje është provuar, ka dështuar dhe ka qenë një katastrofë për rajonin.
E vetmja zgjidhje, është respektimi i të drejtave të të gjitha minoriteteve nga kushdo, në mënyrën e duhur dhe në respekt të standardeve europiane. Kjo do të garantonte dhe konsolidonte paqen, stabilitetin, sigurinë, do të forcojë bashkëjetesën ndëretnike dhe do të përmirësojë klimën e biznesit dhe besimin tek e ardhmja./InLajmi/
