Shërbimi i Kërkim Shpëtimit Malor në Kosovë ka njoftuar se një grup i skijatorëve ka humbur në mjegull dhe stuhi në Brezovicë, përcjell Inlajmi.
Pas më shumë se 3 orësh kërkimi në kushte ekstreme të ftohta, grupi i Shërbimit të Shpëtimit Malor me shumë vështirësi kanë arritur t’u vijnë në ndihmë personave që kishin humbur.
Shërbimi i Shpëtimit Malor ka njoftuar se personat janë në gjendje stabile edhe pse kishin qendruar në kushte ekstreme të ftohta.
Postimi i plotë i Kërkimit Shpëtimit Malor në Kosovë:
Me datën 12.01.2022 në orën 17:35 pranuam një thirrje për ndihmë nga një grup i ski-bjeshkatarëve vendas, të cilët kishin humbur në mjegull dhe stuhi në afërsi të qendrës skitare “Brezovicë”.
Shërbimi i Kërkim Shpëtimit të Kosovës menjëherë aktivizohet duke kërkuar nga të humburit dërgimin e kordinatave.
Me pranimin e kordinatave menjëherë identifikohet lokacion se ku gjindeshin, dhe jipen instruksionet që mos të lëviznin nga vendi dhe të qëndronin të sigurtë.
Me një kordinim të shpejtë arrihet organizimi dhe fillimi i operacionit pas një kohë shumë të shkurtë.
Anëtarët: Bardhosh Morina, Donat Hoti dhe 2 bjeshkatarë lokalë nga Komuna e Shtërpcës Nikola Grbic, Sinisa Cumpalovic pajisjen dhe nisen në drejtim të kordinatave të dërguara.
Në orën 19:40 arrihet në zonën e incidentit dhe për shkak të kushteve të rënduara dhe dukshmërisë nuk mundën të takohen, por vetëm dëgjojnë zërin e njëri tjetrit.
Në orën 20:40 pas një ngjitjeje dhe orientimi në kushte extreme arrihet me shumë vështirësi gjetja dhe shpëtimi i të humburve.
Duhet të ceket që operacioni ka pasur shumë vështirësi pasi që edhe komunikimi me telefon me të humburit është ndërprerë shkaku i ndaljes së telefonëve nga i ftohti i madh.
Në orën 22:00 përfundon evakuimi i të humburve në qendrën skitare. /InLajmi/
