Në pyetjen e Prokurorit se kur mediet nuk i publikojnë dokumentet që i kanë në dispozicion, nuk po e bënin punën e tyre, nënkryetari i Organizatës së Veteranëve të Luftës së UÇK-së, Nasim Haradinaj, në seancën gjyqësore në Dhomat e Specializuara në Hagë, sot ndër të tjera ka thënë se nuk ia ka kërkuar askujt t’i publikoj dokumentet e marra, raporton InLajmi.
E lidhur me këtë çështje, Prokurori përsëri ia ka ritheksuar pyetjen Haradinajt se a i ka quajtur të dobët këta gazetarë që se kanë bërë publikimin.
“Çdo gazetarë që e ka përgjegjësi interesin publik, duhet me qenë në gjendje me ditë se çka duhet e çka jo me publiku dhe jo të kërkoj nga një organizatë me publiku, është i paaftë, ose me na shti në kurth neve. S’janë të zotë për detyrën e tyre. S’është puna për guximin a me publiku apo jo. Insistimi i vet gazetarëve ka qenë t’i publikojmë ne këto dokumente”,tha Haradinaj.
Më tej ai tha se nuk ka kërkuar nga dikush tjetër t’i publikoj këto dokumente.
“Po na ngarkojnë neve me punën e tyre padrejtësisht. Po ta dija se cila është puna e tyre e cila jo do të isha gazetar. Jam ka bindem se krejt kjo është kurth, pikërisht prej juve”,tha ai më tej.
Ndryshe, rrjedhja e disa dokumenteve nga Specialja, të cilat nga një person ende i panjohur janë dërguar në zyrat e OVL-UÇK, dhe bërja publike e kësaj ngjarje nga krerët e organizatës, është arsyeja pse po gjykohen Hysni Gucati dhe Nasim Haradinaj. /InLajmi/
