Mbrëmjen e sotme në fshatin Dobërdol të Podujevës është raportuar për një sulm me armë zjarri në drejtim të disa pjesëtarëve të Policisë së Kosovës, përcjell InLajmi.
Menjëherë pas pranimit të këtij lajmi ka reaguar i pari i Komunës së Podujevës, Shpetim Bulliqi, e që ky i fundit ka dënuar këtë akt të kryer kundrejt policisë.
Mes tjerash Bulliqi ka shtuar se sulmi ndaj personave civil është i papranueshëm e sidomos ndaj Policisë së Kosovës.
Postimi i plotë i tij:
Kam pranuar informatën se gjatë mbrëmjes në fshatin Dobërdol janë sulmuar me armë zjarri pjesëtarë të Policisë së Kosovës.
Sulmi me armë zjarri ndaj kujtdo qoftë është akt i papranueshëm, e veçmas kur ndodhë ndaj organeve të rendit.
Me këtë rast e dënoj ashpër sulmin e sontëm ndaj zyrtarëve policorë në fshatin Dobërdol. /InLajmi/
