Policia e Kosovës ka bërë të ditur se kanë konfiskuar 58 kartela grafike për prodhimin e kriptovalutave në një fshat të Shtimes, përcjell InLajmi.
Pajisjet në fjalë ishin të një personi i cili kishte moshë madhore e që po i mbante në një shtëpi të pabanuar.
Në lidhje me këtë rast është njoftuar edhe një njësi e KEDS-it si dhe Prokuroria Themelore e Ferizajt, për të kryer hetimet e nevojshme.
Njoftimi i plotë nga Policia e Kosovës:
Aksioni i Policisë Rajonale të Ferizajt
Bazuar në një informacion inteligjent Sektori Rajonal i Hetimeve nga Drejtoria Rajonale e Policisë në Ferizaj, pasditën e sotme në kuadër të një operacioni, tek një person i dyshuar A.G ( M/K) i moshës madhore, në një shtëpi të pa banuar në një fshat të Shtimes, janë gjetur dhe më pas janë konfiskuar nga Dogana e Kosovës, 58 kartela grafike për prodhimin e kriptovalutave, pa dokumentacion.
Në këtë rast janë ftuar edhe një njësi e KEDS-it.
Për të gjitha këto veprime të Policisë Rajonale të Ferizajt është njoftuar Prokuroria Themelore e Ferizajt, për veprime tjera hetimore./InLajmi/
