Në Gjykatën Speciale është duke vazhduar gjykimi ndaj ish-nënkryetarit të OVL UÇK-së, Nasim Haradinaj, ku ndër të tjera ai sot ka folur lidhur me momentin kur zyrtarë të EULEX-it e kanë ftuar të hyjë në veturën e tyre, pas marrjes së ftesës nga Gjykata, përcjell InLajmi.
“Më kanë thanë me hy në veturë të EULEX, ju kamë thënë jo. Du me hy në veturë të Policisë së Kosovës.
Ramë dakord në veturë Policisë tonë, por aty ka hy edhe një oficerë i tyre, i EULEX-it dhe 2 policë të Kosovës, pastaj kemi shkuar bashkë deri në qendrën ku e kanë në Fushë Kosovë. Kur kam zbritur më kanë thënë se tash je te na”,tregon Haradinaj.
Ndërkohë tutje thotë i kanë thënë se nuk do të qëndron kohë të gjatë, në zyret e EULEX-it.
“Më kanë thanë a ke nevojë për najsen, i kam thënë për syze, tableta të tensionit edhe një palë çorape për këmbë”,tregon më tej Haradinaj. /InLajmi/
