Kryetari i Deçanit, Bashkim Ramosaj ka bërë të ditur se ka emëruar Sami Cacajn si nënkryetar të komunës së Deçanit, përcjell InLajmi.
Ramosaj ka shkruar se Cacaj është një jurist i diplomuar si dhe ka qenë ushtar i UÇK-së.
“Sot, kam emëruar nënkryetar të komunës Sami Cacaj, Samiu, një jurist i diplomuar, ish ushtar i UÇK-së, vëllau i Dëshmorit Nagip Cacaj, ka qenë nënkryetar edhe në mandatin e kaluar, i cili me punën dhe përkushtimin e tij, na ka bërë nder të kemi një njeri si ai në komunë, por edhe në shoqërinë tonë! Na priftë e mbara”, shkroi ai.
Gjithashtu Ramosaj ka bërë të ditur se ka emruar drejtor të Administratës e ka emëruar Jashar Dobrajn.
”Sot, po ashtu emërova drejtor të Administratës Jashar Dobraj, ish i burgosur politik në vitet e 80-ta dhe i plagosur në demonstratat e 89-tës, ish luftëtar i UÇK-së, veteran, ish kryesus i Asmablesë Komunale për disa mandate, ky është mandati i dytë si drejtor i Administratës, ku për katër vite ka treguar profesionalizëm, përkushtim dhe përfomancë të lartë.
Na priftë e mbara!”, ka shkruar ai./InLajmi/
