Udhëtarët gjithnjë kanë shkuar drejt së panjohurës, duke përshkruar shkretëtirat, duke çarë shtigje nëpër xhungël, apo duke lundruar detet e oqeanet, shkruan InLajmi.
Sot ne mund të udhëtojmë nëpër botë në rehati, por ka disa njerëz që ende preferojnë të zgjedhin rrugën më të vështirë, madje edhe ta shijojnë kënaqësinë që sjell sfida.
Në zemër të ngricës
Francezja Lorens de la Ferier ka ngjitur majat e Himalajeve, ka eksploruar fushat e akullit të Ngushticës së Beringut, ka përshkruar e vetme gjithë Groelandën, ka ngjitur të gjithë kreshtën Antraktidën e vetme në një udhëtim mes të 2 -etapave (1996-1997 dhe 1999-2000).
Udhëtimi më i fundit
Ekspedita e parë në Polin e Jugut u udhëhoq nga eksploruesi norvegjez Rolad Amundsen dhe mbërriti më 14 dhjetor 1911. Më 17 janar 1912 mbërriti gjithashtu në Pol një ekip britanik i udhëhequr nga Robert Falkon Skot.
“O Zot i madh!”shkruante Skot në ditarin e tij, “Ky është një vend i tmerrshëm”.
Gjatë rrugës së kthimit, Skot dhe ekipi i tij vdiqën në kushte të tmerrshme.
E vetme mes dallgëve
Në vitin 2009-2010 detarja australiane Xhesika Uatson lundroi e vetme rreth botës.
Ndonëse rruga që ndoqi nga Sidnei nëpër oqeanet Paqësor, Atlantik dhe Indian nuk ishte itinerari zyrtar, kjo ishte një arritje e pabesueshme. Në atë kohë ajo ishte vetëm 16 vjeçe.
Në rrjedhën e lumit
Doni të bëni një shëtitje? Ndoshta nuk do të ketë shumë vullnetarë nëse për ta bërë shëtitjen në fjalë duhen 860 ditë, dhe rruga është rreth 6.400 kilometra e gjatë.
Këtë bëri eksploruesi anglez Ed Staford, ai ndoqi kursin e lumit të madhërishëm të Amazonës, që nga burimi deri në oqean, duke e përfunduar udhëtimin në vitin 2010. /InLajmi/
Burimi: Discovery Channel
