Të gjitha kafshët duhet të lëvizin për të gjetur ushqim, për të kërkuar strehim, për t’u shpëtuar armiqve, shkruan InLajmi.
Shumica e kafshëve ecin, vrapojnë, fluturojnë apo notojnë në varësi të zakoneve ku jetojnë, por disa kafshë përdorin mënyra mjaft të çuditshme për t’u zhvendosur ose lëvizur.
Periofrtalmi (rrëshqitësi i baltës) përdor pendët e kraharorit, në formë krahësh muskulorë, për ta zhvendosur trupin nëpër llumin e baticës. Kur është në rrezik ky peshk i çuditshëm bën edhe salto në ajër për të shkuar në një vend të sigurtë.
Bretkosat përdorin zakonisht membranat e shputave të këmbëve për të krijuar shtytje të fuqishme gjatë notimit.
Ndërsa peshku me vela me një shpejtësi prej 105 km/orë cilësohet si notuesi më i shpejtë në botë.
Hardhuca duke përdorur gishtat pjesërisht të bashkuar dhe hapat e shpejtë, vrapon mbi ujë me këmbët e pasme, kjo bën që të mos ketë kohë që të zhytet në ujë.
Bilbili i ujit, duke përdorur krahët edhe si timon dhe si frena nënujorë, sulmon me një saktësi të habitshme. /InLajmi/
Burimi: Discovery Channel
