Policia e Kosovës ka bërë të ditur se Drejtoria për Hetimin e Krimeve Ekonomike dhe Korrupsionit ka arrestuar në flagrancë një person, përcjell InLajmi.
Në njoftimin e policisë është bërë e ditur se personi i arrestuar është kapur ne flagrancë i cili ishte në pozitë zyrtare në një Ministri në Kosovë, duke kërkuar dhe pranuar ryshfet prej mijëra euro 2 bizneseve aplikuese dhe përfituese të subvencioneve të ndara nga Ministria përkatëse.
I arrestuari është intervistuar në prezencë të të avokatit mbrojtës dhe me aktvendim të Prokurorit të Shtetit i njëjti ndalohet për 48 orë.
Ndër të tjera policia ka njoftuar se ky operacion është bërë në koordinim me Prokurorinë Thëmëlore në Prishtinë.
Njoftimi i plotë i Policisë së Kosovës:
Kërkoi dhe pranoi ryshfet nga bizneset aplikuese për subvencione, i vihen prangat nga Policia e Kosovës
Sot me datë 11.01.2022, nga Drejtoria për Hetimin e Krimeve Ekonomike dhe Korrupsionit – Sektori për Hetimin e Korrupsionit në Policinë e Kosovës, në koordinim me Prokurorinë Themelore në Prishtinë pas ndërmarrjes së veprimeve hetimore është realizuar një operacion me ç ‘rast është arrestuar ne flagrancë një person mashkull kosovar, i cili dyshohet se me pozitën që kishte në kuadër të një Ministrie të RKS-së, ka kërkuar dhe pranuar ryshfet shumën e të hollave prej mijëra eurosh, nga dy biznese aplikuese dhe përfituese të subvencioneve të ndara nga Ministria përkatëse.
I dyshuari është intervistuar në prezencë të avokatit mbrojtës dhe me aktvendim të Prokurorit të Shtetit i njëjti ndalohet për 48 orë. /InLajmi/