Ministri i Mbrojtjes së Kosovës, Armend Mehaj ka vizituar familjen e Rexhep Malës, me rastin e 38 vjetorit të rënies së tij, përcjell InLajmi.
Mehaj ka shkruar se Rexhep Mala sa ishte i burgosur në Foçë e pastaj edhe në burgun e Mostarit, asnjëherë nuk u ndal së menduari e së përgatituri për çështjen kombëtare e për bashkimin e kombit, ai ishte shqiptar i madh i cili ishte i gatshëm të paguante çdo çmim për të arritur atë që synonte.
“Kur u lirua nga burgu, shokët që i mbetën brenda, i përshëndeti duke u thënë: “mirë u pafshim në betejat e radhës, deri në çlirim dhe bashkim kombëtar …”, e këtë e dëshmoi edhe pas daljes nga burgu”, ka shkruar Mehaj.
Postimi i plotë i tij:
Në 38 vjetorin e rënies së Rexhep Malës, vizituam familjen Mala, së bashku përkujtuam atë dhe veprimtarinë e tij atdhetare e patriotike me të cilën mburremi të gjithë.
Rexhep Mala, sa ishte i burgosur politik në Foçë e pastaj edhe në burgun e Mostarit, asnjëherë nuk u ndal së menduari e së përgatituri për çështjen kombëtare e për bashkimin e kombit, ai ishte shqiptar i madh i cili ishte i gatshëm të paguante çdo çmim për të arritur atë që synonte.
Nuk njihte asnjë pengesë në rrugëtimin dhe ruajtjen e identitetit kombëtar. Kur u lirua nga burgu, shokët që i mbetën brenda, i përshëndeti duke u thënë: “mirë u pafshim në betejat e radhës, deri në çlirim dhe bashkim kombëtar …”, e këtë e dëshmoi edhe pas daljes nga burgu.
Rexhepi Mala frymëzim të përhershëm dhe të pazëvendësueshëm e kishte Adem Demaçin, prandaj edhe nuk kishte si të ishte ndryshe, veçse patriot i madh për të cilin Shqipëria ishte mbi të gjitha.
Lavdi jetës dhe veprës së Rexhepit, ai përherë do të jetë frymëzuesi e ndriçuesi i rrugës sonë. /InLajmi/
