Pas zgjedhjeve të drejtorëve dhe nënkryetarit për mandatin e ri qeverisjes lokale, kryetari i komunës së Prizrenit, Shaqir Totaj, ka thënë disa fjalë për nënkryetarin e ri të kësaj komunë, Kujtim Gashin, përcjell InLajmi.
Totaj ka lavdëruar punën që deri më tani ka bërë Gashi, ku sipas tij përvoja politike po ashtu dhe detyrat që ai ka ushtuar ndër vite, kanë shtyrë që mos të hezitoj në zgjedhjen e tij në pozitën e nënkryetarit të komunës së Prizrenit.
Ndërsa kryetari i Prizrenit ka thënë se nënkryetari i porsazgjedhur i jep atij të besoj se puna e tij me patjetër do të ketë rezultat, dhe është zotuar se do të punojnë vetëm që të plotësohen nevojat e çdo qytetari prizrenas.
Postimi i plotë i tij:
Sot kam emëruar mikun tim dhe bashkëpunëtorin Kujtim Gashi, në pozitën e nënkryetarit të Komunës së Prizrenit. Si anëtar i kryesisë qëndrore, nënkryetar i degës së PDK-së në Prizren dhe ish shef i shtabit zgjedhor, Kujtimi ka qenë një nga figurat kyçe në fitoren tonë në nëntorin e kaluar për çka e falendëroj edhe publikisht.
Përvoja politike e Kujtimit në nivelin qëndror si deputet, ministër dhe në nivelin lokal, më jep shumë besim se puna e tij si nënkryetar i Komunës do të jep rezultate të prekshme dhe do të vlerësohet. Si pjesë e ekipit tim, bashkë zotohemi se do të përmbushim pritjet e qytetarëve dhe zbatojmë programin tonë qeverisës për Prizrenin! /InLajmi/
