Ministri i Mbrojtjes, Armend Mehaj ka njoftuar se ka biseduar me shefen e Zyrës Ndërlidhëse të Republikës së Greqisë në Kosovë, Chryssoula Aliferi, të cilës i ka ofruar mbështetje për tërmetin e ndodhur mbrëmë, përcjell InLajmi.
Mehaj u ka shprehur autoriteteve greke gatishmërinë dhe vullnetin e plotë të FSK-së për tejkalimin dhe menaxhimin e pasojave nga tërmeti.
Ndryshe, ky tërmet me magnitude 5.5 ka ndodhur në veriperëndim të Florinës në Greqi, ku u dëgjua edhe në 7 vende të tjera e në mesin e tyre edhe në Kosovë.
Postimi i plotë i tij:
Ministria e Mbrojtjes, mbrëmë kemi ndarë shqetësimin me ju me rastin e tërmetit me magnitudë 5.5 që ndodhi në veriperëndim të Florinës, në Greqi, ku në mesin e 7 vendeve të prekura të rajonit ishte edhe vendi ynë.
Në bisedën e sotme telefonike me shefen e Zyrës Ndërlidhëse të Republikës së Greqisë në Kosovë, Chryssoula Aliferi, i shpreha gatishmërinë dhe vullnetin tonë të plotë për të mbështetur autoritetet greke me aftësitë dhe kapacitetet tona specialistike të FSK-së për reagimin, menaxhimin, tejkalimin dhe sanimin e pasojave të mundshme ./InLajmi/
