Në fshatin Samadraxhë të komunës së Suharekës, derisa Policia e Kosovës ka shkuar ta kryejë punën e vet, pas thirrjes për një rast dhune në një familje, është sulmuar një zyrtar policorë, përcjell InLajmi.
Kështu ka njoftuar Policia e Kosovës, derisa tutje bëhet me dije se njëri nga zyrtarët policor ka pësuar lëndime në regjionin e kokës.
Zyrtari policor menjëherë është dërguar në Spitalin e Prizrenit, derisa sipas mjekut kujdestar që ka qenë aty, me tu pranuar ky rast, gjendja e tij shëndetësore është jashtë rrezikut për jetë.
E krejt kjo ndodhi ndodhi pasi që i dyshuari B.K i lindur në vitin 1981 i cili është arrestuar nga policia, konsiderohet person me rrezikshmëri të lartë. I njëjti një rast të lëndimit të personit zyrtarë e kishte kryer edhe më herët.
Njoftimi i plotë i Policisë së Kosovës:
Gjatë arrestimit të dyshimtit për dhunë në familje sulmohet zyrtari policor
Sot, me datë 10 janar 2022, rreth orë 10:50 policia në Suharekë është informuar për një rast dhunë në familje në fshatin Samadraxhë- Suharekë.
Intervenimi i policisë ishte i menjëhershëm, mirëpo në momentin që kanë arritur në shtëpinë ku zhvillohej dhuna në familje, i dyshimti nuk e ka respektuar urdhrin dhe ka sulmuar zyrtarët policor më një mjet të prehtë thike që për pasojë njëri nga zyrtarët policor ka pësuar lëndime ne regjionin e kokës. Zyrtarit policor i është dhënë ndihma e parë në vendin e ngjarjes më pastaj duke u dërguar në spitalin rajonal në Prizren. Mjeku kujdestar ka konstatuar se polici është jashtë rrezikut për jetë nga plaga e shkaktuar me thikë.
I dyshimit B.K i lindur ne vitin 1981 është arrestuar nga policia, i njëjti konsiderohet person me rrezikshmëri të larte pasi i njëjti një rast të lëndimit të personit zyrtarë e kishte kryer edhe më herët.
Ne lidhje me rastin është informuar prokuroi kujdestar i cili ka lëshuar aktvendim për ndalim në afat për 48 orë.
Rasti është duke u hetuar./InLajmi/
