Ministri i Mbrojtjes, Armend Mehaj, ka ngushëlluar familjarët e viktimave në tragjedinë e djeshme në Bronx të Nju Jorkut, përcjell InLajmi.
Mehaj ka shkruar se me këtë tragjedi ndjehen të tronditur dhe se ndajnë dhimbjen me kombin dhe qeverinë amerikane.
Ai me këtë rast, amerikanët i ka quajtur si miq të pazëvendësueshëm të Kosovës.
Ndryshe, në këtë tragjedi vdiqën 19 persona, ku 9 prej tyre ishin fëmijë.
Postimi i plotë i tij:
Jemi të tronditur me tragjedinë e djeshme në Bronks të Nju-Jorkut, ku nga zjarri që kaploi një ndërtesë banimi, vdiqën 19 persona, prej tyre 9 fëmijë.
Me këtë rast, ndajmë dhembjen e madhe me familjet e viktimave, kombin dhe qeverinë amerikane.
Në ditë të vështirë e ditë të mirë jemi dhe do të jemi gjithmonë së bashku me miqtë tanë të pazëvendësueshëm amerikan./InLajmi/
