Të gjitha rrugët nacionale dhe regjionale si dhe autoudhët në Kosovë janë të qarkullueshme për të gjitha llojet e automjeteve, përcjell InLajmi.
Kështu kanë njoftuar nga Ministria e Mjedisit, Planifikimit Hapësinor dhe Infrastrukturës.
Gjatë orëve të natës ka pasur reshje të vazhdueshme bore në Kosovës por që sipas tyre kompanitë e mirëmbajtjes kanë qenë dhe vazhdojnë të jenë në aktivitet të vazhdueshëm, të pastrimit të rrugëve.
Tutje, nga kjo ministri kërkuar nga ana e vozitësve që të respektojnë rregullat e vozitjes gjatë kësaj kohe.
Postimi i plotë i Ministrisë së Infrastrukturës:
Njoftim për gjendjen e rrugëve pas reshjeve të borës
Prishtinë
10 janar 2022
Sipas informatave të cilat janë marrë nga terreni nga menaxherët e mirëmbajtjes të gjitha rrugët Nacionale dhe Regjionale si dhe Autoudhët, janë të qarkullueshme për të gjitha llojet e automjeteve.
Edhe pse ka pasë reshje të vazhdueshme të borës në 24 orët e fundit, kompanitë e mirëmbajtjes kanë qenë dhe vazhdojnë të jenë në aktivitet të vazhdueshëm, të pastrimit të rrugëve.
Kujdes të veçantë po i kushtohet rrugëve që shtrihen në lartësi të mëdha mbidetare sepse aty paraqiten ngrica herë pas here.
Kërkojmē nga ana e vozitësve që të respektojnë rregullat e vozitjes gjatë kësaj kohe!/InLajmi/
