Shfaqjet dhe ekspozitat u japin interpretuesve rastin për të bërë maksimumin për hir të artit të tyre, shkruan InLajmi.
Ka shumë njerëz me aftësi të mëdha krijuese, që duan të bëjnë gjëra të mëdha ose ta tronditin auditorin. Sidomos në shfaqjet e muzikës pop, apo shfaqjet e cirkut, publiku pret pikërisht këtë, pamjet spektakolare e të jashtëzakonshme.
Tavani i famshëm
Kapela Sistine në Romë ka një tavan të mrekullueshëm, i tëri i pikturuar-punim i artistit italian Mikelanxhelo. Ai është 1.100 metër katror dhe 9 panelet qendrore tregojnë historitë nga Libri i Zanafillës.
Thuhet së janë dashur 4 vjet për ta përfunduar të gjithë tavanin (1508-1512). Edhe sot e kësaj dite, 5 shekuj më vonë, më se 4.3 milion vizitorë e vizitojnë atë çdo vit.
Koncerti gjigant
Në vitin 1985 në të gjithë botën u zhvilluan disa koncerte rok të quajtur Live Aid, për të mbledhur fonde për lehtësimin e urisë në Etiopi.
Në saje të televizionit satelitor, Live Aid u pa nga rreth 2 miliard njerëz në 60 vende dhe mblodhi rreth 50 milion USD.
Kërcim në ujë
Nga 2005 deri në 2007 një trupë kërcimtarësh nga Berlini i quajtur Sasha Waltz dhe Miqtë vuri në skenë operën e kompozitorit anglez Henri Përsell, Dida dhe Enea.
Të 17 kërcimtarët e interpretuan prologun nën ujë, në një rezervuar të mbushur me 34 mijë litra ujë. /InLajmi/
Burimi: Discovery Channel
