Nga aksidenti fatal që ndodhi në Podujevë ku mbetën të vdekur 2 persona në vendin e ngjarjes, është raportuar nga Policia e Kosovës se ka vdekur edhe person i 3-të, përcjell InLajmi.
Ky aksident ka ndodhur në rrugën nacionale Podujevë-Prishtinë, më saktësisht në fshatin Lupç i Poshtëm, ku në aksident kanë qenë të përfshira 3 vetura.
Ndërkaq në këtë aksident kanë pësuar lëndime edhe 8 persona të tjerë, 7 prej tyre kosovarë dhe një shtetas i Austrisë.
Të lënduarit janë dërguar në QKUK për tretman mjekësor. Mësohet se edhe viktima e 3-të ka qenë duke u trajtuar në QKUK.
Ndërsa trupat e pajetë të viktimave janë dërguar në QKUK për obduksion.
Postimi i plotë i Policisë së Kosovës:
Podujevë, 09.01.2022 – 09:35. Në rrugën nacionale Podujevë–Prishtinë ka ndodhur një aksident trafiku me pasoja fatale, në të cilin kanë qenë të përfshira 3 vetura me targa vendore. Si pasojë e aksidentit 2 meshkuj kosovarë kanë vdekur në vendin e ngjarjes dhe një tjetër gjatë trajtimit në QKUK, ndërsa lëndime trupore kanë pësuar edhe 8 persona tjerë meshkuj, 7 prej tyre kosovarë dhe një shtetas i Austrisë. Të lënduarit janë dërguar në QKUK për tretman mjekësor, Në vendin e ngjarjes përveç njësive policore dhe ndihmës së shpejtë ka dalë edhe prokurori i shtetit me urdhrin e të cilit trupat e pajetë të viktimave janë dërguar në IML për obduksion. /InLajmi/
