Kreu i Obliqit, Xhafer Gashi ka bërë të ditur se pasi që i është nënshtruar testimeve për koronavirus ka rezultuar pozitiv, përcjell InLajmi.
Gashi ka bërë të ditur se për momentin gjendja e tij shëndetësore është stabile, dhe ka bërë të ditur se gjendet në vet-izolim duke i respektuar të gjitha masat anti-Covid.
Kreu i Obiliqit ka falënderuar stafin shëndetësor të QKMF-së në këtë komunë për shërbimin dhe kujdestin ndaj tij.
Postimi i plotë i tij:
Të nderuar qytetarë,
Si rezultat i shfaqjes së disa simptomave të pazakonta, jam nënshtruar testimeve për Covid-19 dhe kam rezultuar pozitiv.
Gjendja ime shëndetësore është stabile, gjendem në vet-izolim dhe duke i respektuar të gjitha masat antiCovid-19.
Falënderoj stafin mjekësor të QKMF-së, në Obiliq, për shërbimet dhe kujdesin gjatë trajtimit në ambulantën antiCovid-19.
Përkushtimi dhe puna në shërbim të qytetarëve po vazhdon me intensitetin e njëjtë ndërsa unë do të punoj nga shtëpia deri në stabilizimin e gjendjes shëndetësore.
Meqë përhapja e këtij virusi ka filluar të shënojë ngritje,kërkoj që të respektoni rekomandimet e institucioneve shëndetësore!
Xhafer Gashi /InLajmi/
