Kujdestarët në kopshtin zoologjik ZSL në Londër e kanë nisur vitin e ri me një detyrë të ndërlikuar: numërimin e kafshëve rezidente në kopësht.
Pinguinët, luanët, majmunët dhe devetë ishin ndër 400 speciet që kopshti zoologjik duhet të numërojë çdo vit për arsye riprodhimi.
Kjo detyrë është gjithashtu një rast i mirë për të festuar prurjet e reja.
Tigresha sumatrane Gaysha lindi një këlysh të vogël pak para Krishtlindjeve, duke e çuar numrin e tigrave në kopshtin zoologjik ZSL në Londër në tre dhe duke rritur numrin e programeve globale të mbarështimit për speciet e rrezikuara në mënyrë kritike, thuhet në faqen e internetit të kopshtit zoologjik.
Shtëpia e zvarranikëve u shtua me 3 breshka me kokë të madhe, prindërit e të cilave u shpëtuan nga tregtia e paligjshme e kafshëve të egra.
Detyra mund të duket e lehtë dhe madje argëtuese në shikim të parë, por imagjinoni të përpiqeni të numëroni milingonat ose kandilat e deti.
Sigurisht, anëtarët e ekipit në këtë kopsht zoologjik kanë tashmë taktikat e tyre.
Ata numërojnë kolonitë e milingonave si një e vetme në vend që të gjurmojnë qindra milingona individuale, ndërsa akuaristët bëjnë fotografi të rezervuarit të kandilave të detit dhe numërojnë përmes fotove, përcjell Euronews.
Auditimi vjetor zakonisht zgjat gati një javë. Kopshti zoologjik ndan të dhënat përfundimtare me kopshtet zoologjike të tjera anembanë botës për të ndihmuar në menaxhimin e programeve mbarëbotërore të mbarështimit të ruajtjes për speciet e rrezikuara.
