Ministria e Arsimit, Shkencës, Teknologjisë dhe Inovacionit ka njoftuar se si do të funksionojë mbajtja e gjysmëvjetorit të 2-të të vitit shkollor 2021/2022, duke qenë se jemi edhe në rrezik nga Covid-19, përcjell InLajmi.
Dihet së mësimi fillon nesër dhe sipas Ministrisë së Arsimit, Task Forcat në nivel komune do të vlerësojnë marrjen e vendimeve se në cilin skenar do të zhvillohet procesi mësimor bazuar në situatën me pandeminë në komunat e tyre.
Gjithashtu edhe Drejtoritë Komunale të Arsimit do të kujdesen për respektimin e masave të përcaktuara nga IKSHKP.
Tutje Ministria e Arsimit njofton se është në dispozicion edhe mësimi online, në rast se paraqitet nevoja.
Poashtu njofton se në bashkëpunim me UNICEF-in kanë ofruar mundësinë e qasjes në platformën mësimore shkollat.org.
Në fund Ministria e Arsimit bën thirrje për respektim të masave kundër Covid-19, në mënyrë të të kemi mbarëvajtje të procesit mësimor.
Postimi i plotë i Ministrisë së Arsimit:
Nesër fillon periudha e 2-të e vitit shkollor 2021/2022
Ministria e Arsimit, Shkencës, Teknologjisë dhe Inovacionit (MAShTI) njofton të gjithë nxënësit, mësimdhënësit dhe prindërit, se nesër, 10 janar 2022, fillon periudha e dytë e vitit shkollor në të gjitha nivelet e arsimit parauniversitar.
Task Forcat në nivel komune do të vlerësojnë dhe do të marrin vendime se me cilin skenar do të zhvillohet procesi mësimor bazuar në situatën epidemiologjike me pandeminë në komunat e tyre, si dhe kushtet specifike në shkolla. Drejtoritë Komunale të Arsimit do të kujdesen për respektim të masave të përcaktuara nga IKSHPK, të dezinfektojnë hapësirat e shkollave.
Përveç mësimit me prani fizike në shkollë, do të jenë në dispozicion edhe mundësitë për organizimin e mësimit online nëse paraqitet nevoja.
Video-mësimet do të vazhdojnë të transmetohen në televizionin publik (kanali RTK4), dhe ato mund të gjenden edhe në kanalin zyrtar të MAShTI – https://emesimi.rks-gov.net/shq/.
Po ashtu, MASHTI, në bashkëpunim me UNICEF, tashmë ka ofruar për të gjitha shkollat mundësinë e qasjes në platformën mësimore https://shkollat.org/, të bazuar në teknologjinë e Microsoft, ku, përveç sistemit për menaxhimin e mësimit në distancë janë publikuar edhe video-mësimet sipas programit mësimor të klasave 1-9. Megjithatë, shkollat janë të lira të shfrytëzojnë edhe platforma dhe aplikacione të tjera.
Ministria e Arsimit fton të gjithë akterët e përfshirë në shkollë që të respektojnë masat mbrojtëse të përcaktuara nga IKShPK, në mënyrë që ta ruajmë shëndetin publik dhe të kemi mbarëvajtje të procesit mësimor. /InLajmi/
