Mërgimtarët të cilët kanë zgjedhur transportin rrugor për t’u kthyer nga Kosova në vendet evropian, janë duke u ballafaquar me kolona të gjata në kufi të ndryshëm, përcjell InLajmi.
E një ndër pikat kufitare ku kosovrët po presin me orë të tëra është edhe kufiri Serbi-Kroaci.
Pas kësaj deputetja e Kuvendit të Kosovës nga radhët e Partisë Demokratike të Kosovës, Ganimete Musliu ka thënë se 31 autobusa nga Kosova që 20 orë po presin ta kalojnë kufirin kroat.
Musliu ka shkruar se pas 9 orë pritje në Merdarë, kompanitë e autobusëve nga Kosova, që bartin bashkatdhetarët tanë, këtë fundjavë po ballafaqohen edhe në Kroaci me pritje 20 orëshe.
Deputetja e PDK-së ka bërë pyetje se kur do të marrin fund maltretimet e njerëzve tonë nëpër kufjitë ballkanik?
Ajo gjithashtu ka pyetur se a del Ambasada jonë në Kroaci ndonjëherë të shohë çfarë po ndodhë?
Postimi i plotë i saj:
31 Autobus nga Kosova qe 20 orë po presin ta kalojnë kufirin kroat.
Pas 9 ore pritje në Merdare, kompanitë e autobusëve nga Kosova, që bartin bashkatdhetarët tanë, këtë fundjavë po ballafaqohen edhe në Kroaci me pritje 20 orëshe. Kur do të marrin fund maltretimet e njerëzve tonë nëpër kufjitë ballkanik????
A janë këto pritje normale apo thjeshtë trajtim çnjerëzor ndaj udhëtarëve dhe kompanive të autobusëve?
A duhet të mbyllim sytë ndaj këtyre kushteve dhe pastaj të reagojmë kur ndodhin tragjeditë???
Këta persona që maltretohen nëpër kufijtë e ish Jugosllavisë, janë të njëjtit që në kohë zgjedhjesh dhe në kohë krizash vërshohen me elozhe patetike.
Qeveri, pyet njëherë ç’janë këto pritje? Pse qytetarët tanë po ballafaqohen me këto pritje kaq të gjata?
A del Ambasada jonë në Kroaci ndonjëherë të shohë çfarë po ndodhë?
Ku të ankohen këta njerëz dhe këto kompani?
P.s fotot janë dërguar nga bashkëatdhetaret tanë. /InLajmi/
