Ditë më parë Qeveria e Kosovës ka marrë vendimin që të ndalohet prodhimi i kriptovalutave, përcjell InLajmi.
Në kuadër të këtij vendimi u tha se do të konfiskohen kudo që kanë informacion pajisjet që prodhojnë kriptovalutat.
Lidhur me këtë ministri i Ministrisë së Punëve të Brendshme, Xhelal Sveçka ka njoftuar se sot në orët e hershme të mëngjesit pas kërkesës së Doganave të Kosovës, Policia e Kosovësnë afërsi të fshatit Trebicë të komunës së Leposaviqit ka ndërmarrë një aksion ku ka konfiskuar 272 nga këto lloj paisjesh dhe është arrestuar një person.
E në këtë aksin sipas Sveçlës gjithçka ka shkuar mirë dhe pa incidente.
Postimi i plotë i tij:
Sot në orët e para të mëngjesit, pas kërkesës së Doganave të Kosovës, Policia e Kosovës ka organizuar aksionin e zbulimit dhe konfiskimit të paisjeve për minim të kriptovalutave.
Në këtë aksion në afërsi të fshatit Trebice të komunës së Leposaviqit u konfiskuan 272 nga këto lloj paisjesh dhe është arrestuar një person. Gjithë aksioni u zhvillua dhe përfundoi pa incidente.
Aksione të këtilla do të vazhdojnë deri në implementimin e plotë të vendimit të Kuvendit dhe Qeverisë së Republikës./InLajmi/
