Deri me tani shkencëtarët kanë dokumentuar se koronavirusi prek kryesisht mushkëritë, por një studim i ri sugjeron se infeksioni me koronavirus mund të rezultojë në dëmtim të veshkave me pasoja të qëndrueshme.
Dëmtimi i veshkave për shkak të koronavirusit ndodh kur virusi SRAR-CoV2 infekton veshkat, duke shkaktuar dhëmbëza të indeve, siç dëshmohet në një studim të ri nga shkencëtarët nga klinika gjermane ‘RWTH Uniclinic’ në Aachen dhe ekspertë holandezë nga Universiteti Mjekësor Radboud
Studimi i kryer nga shkencëtarët gjermanë dhe holandezë ka gjetur se koronavirusi shkakton dëme të drejtpërdrejta në qelizat brenda veshkave, duke kontribuar në dhëmbëza të indeve ose fibrozë të veshkave.
Shkencëtarët pohojnë se një ind i tillë i dëmtuar i veshkave në veshkat e infektuara mund të tregojë dëmtim të mundshëm të organeve në afat të gjatë.
Për të arritur në këtë përfundim, shkencëtarët gjermanë dhe holandezë kanë përdorur indet e veshkave të 62 pacientëve që ishin në kujdesin intensivë për shkak të infektimit me koronavirus.
Më pas ata krahasuan indet e veshkave të pacientëve me koronavirus dhe indet e pacientëve të tjerë që ishin në spital për shkak të problemeve të mushkërive që nuk kishin lidhje me koronavirus dhe indet e një grupi njerëzish të shëndetshëm.
Ata zbuluan se indet e veshkave të pacientëve me koronavirus kishin shumë më tepër plagë sesa indet e tjera që ata analizuan.
Gjetjet e tyre tregojnë me vendosmëri se koronavirusi dhe jo inflamacioni apo ndonjë arsye tjetër sistematike, është përgjegjës për dëmtimin e veshkave të vëzhguara te pacientët me koronavirus theksuan shkencëtarët.
Rezultatet e studimit sugjerojnë se gjetjet e fundit të një studimi tjetër të madh bazuar në të dhënat nga Shtetet e Bashkuara, i cili tregoi funksion të reduktuar të veshkave në më shumë se 90.000 të mbijetuar të koronavirusit, mund të jenë për shkak të efektit që shkakton koronavirusi, përcjell Arbresh.info
Katarina Rejmer, autore e studimit të botuar në ‘Cell Steam Cell’, theksoi se fibroza e veshkave është një pasojë serioze afatgjatë që mund të ndodhë pas çdo dëmtimi të veshkave dhe që lidhet me funksionin e veshkave, ndërsa ka theksuar se studimet e mëtejshme afatgjata do të mund të japin një pasqyre më të detajizuar.
