Ylli i tenisit Novak Djokovic kishte një përjashtim për vaksinë për të hyrë në Australi pas një infektimi me koronavirus më 16 dhjetor, thonë avokatët e tij në dokumentet e gjykatës.
Djokovicit iu mohua hyrja në Australi pasi zbarkoi në Melburn këtë javë, për të luajtur në Australian Open.
Tenisti më i mirë në botë aktualisht ndodhet në një qendër paraburgimi për emigracionin përpara se të dalë para gjyqit të hënën.
Rasti i tij ka shkaktuar një protestë të madhe në Australi dhe ka bërë bujë në mbarë botën.
Djokovic, 34 vjeç, i cili ka thënë se është kundër vaksinimit, iu dha një përjashtim mjekësor për të luajtur në turne, shkruan BBC.
Por serbit iu mohua në mënyrë dramatike hyrja. Të mërkurën, zyrtarët e Forcave Kufitare Australiane (ABF) thanë se lojtari “dështoi të sigurojë provat e duhura” në Aeroportin e Melburnit sepse një infeksion i mëparshëm nuk ishte një arsye e vlefshme për të hyrë pa vaksinim, transmeton IndeksOnline.
Në dokumentet e gjykatës të lëshuara të shtunën, avokatët e Djokovic thanë se lojtarit i ishte dhënë një vizë e përkohshme për të hyrë në vend dhe i ishte dhënë një “përjashtim mjekësor nga vaksinimi kundër koronavirusit nga Tenis Australia për shkak të infeksionit të tij të fundit.
