Disa lëndë natyrore, si diamanti dhe mëndafshi janë jashtëzakonisht të forta. Por tani shkencëtarët po krijojnë një gamë të tërë lëndësh me veti të jashtëzakonshme, tërësisht e prodhuar nga njeriu. Disa janë jashtëzakonisht lehta, disa janë shumë të forta ndërsa disa i kanë të 2-ja këto, shkruan InLajmi.
Forca e karbonit
Duke futur fibra të gjata karboni në plastikë, shkencëtarët kanë prodhuar një material të quajtur plastikë e përforcuar me karbon(PPK).
Plastika e bënë materialin shumë të lehtë, ndërsa fibrat i japin fuqi dhe përkulshmëri. Kjo bën atë shumë të përshtatshëm për shkopinjtë e kërcyesve me shkop ( në gara atletike), të cilët duhet të kenë elasticitet, të jenë të lehtë dhe të fortë.
Super i fortë
Nitriti i borit të vurtzitit është materiali më i fortë në botë, madje më i fortë së diamanti. Ai përdoret kur lëndët duhet të jenë me të vërtetë jashtëzakonisht shumë të forta e që kostoja nuk është problem. Që nga kokat e sondave shpuese të naftës deri në majat bombave “bunker shkatërruese”.
Titan i pamposhtur
Aliazhet krijohen duke i shtuar një metali lëndë të tjera. Aliazhet e aluminit dhe magnezit janë të forta dhe të lehta, prandaj përdoren për të ndërtuar aeroplanë.
Por aliazhet e aluminit mund të mos e përballojnë dot nxehtësinë e madhe që krijohet kur reaktivët çajnë qiellin me shpejtësi të madhe.
Pikërisht për këtë arsye aeroplanët reaktivë më të shpejtë në botë, si ai F22 Raptor, prodhohen kryesisht me aliazhe jashtëzakonisht të forta dhe tepër të lehta të titanit.
Një titan me një trup të lehtë dhe super të fortë të ndërtuar prej aliazhi, mund të fluturojë më shpejtësi deri në 2400 kilometra në orë. /InLajmi/
Burimi: Discovery Channel
