2 gazetarë u vranë nga anëtarë të një bande në periferi të Port-au-Prince të Haitit. Gazetarët u sulmuan pasi mbërritën për të intervistuar një drejtues të një bande rivale, thanë autoritetet.
Amady John Wesley, një gazetare me stacionin radiofonik me qendër në Montreal, dhe reporteri lokal Wilguens Louissaint u vranë në sulm. Një gazetar i 3-të u arratis.
Ngjarja ndodhi në zonën Laboule 12, ku ka pasur përleshje intensive mes bandave të armatosura që kërkojnë kontrollin.
Vendi po zhytet më thellë në një krizë politike dhe sigurie pasi ish-presidenti Jovenel Moise u vra në rezidencën e tij private në Port-au-Prince 6 muaj më parë. Disa banda kanë shtrirë ndikimin e tyre përtej lagjeve më të varfra të kryeqytetit.
Sipas Qendrës për Analizë dhe Kërkim për të Drejtat e Njeriut, Haiti regjistroi të paktën 950 rrëmbime në vitin 2021.
Dhuna e bandave ka nxjerrë në pah mangësitë e sistemit të drejtësisë penale të vendit me hetimet e shumta të pasuksesshme ndër vite.
Gazetari i njohur Jean Dominique u vra në prill të vitit 2000, por vdekja e tij mbetet e pazbardhur.
Në 2018, fotoreporteri Vladjimir Legagneur nuk u kthye nga një udhëtim raportues në lagjen e varfër të Martissant. Zona tani kontrollohet nga bandat, raporton DW.
Autoritetet njoftuan gjithashtu hetime për vrasjen e 2 gazetarëve në qershor dhe tetor të vitit 2019. Hetimi nuk ka përfunduar, transmeton Klankosova.tv.
Në një rast tjetër, gazetari Diego Charles, një aktivist politik i opozitës dhe 13 persona të tjerë u vranë në qershor 2021. Asnjë autor nuk është identifikuar.
