Trajneri i Tottenham, Antonio Conte ishte i lumtur kur dëgjoi se Christian Eriksen ndihet i gatshëm të luajë sërish futboll.
Mesfushori danez 29-vjeçar zbuloi kohët e fundit dëshirën e tij për të luajtur në Kupën e Botës së ardhshme në Katar këtë vit, pas problemeve që kishte me zemër vitin e kaluar.
Duke folur me gazetarët e mbledhur në një konferencë për shtyp më herët sot, Conte diskutoi gjendjen e Eriksen dhe nëse një rikthim i mundshëm i tij mund të bëhet në Tottenham.
“Nuk fola kohët e fundit me Christian. Sigurisht, ishte e mrekullueshme, ishte mirë, ta shihja atë në fushë, të shihje se ai po gjuan një top. Po flasim për një lojtar vërtet të rëndësishëm, por veçanërisht për një top njeri”.
“Ajo që ndodhi këtë verë nuk ishte shumë e mirë, jo e mirë, për njerëzit që punuan me të dhe njerëzit që e njohin”, transmeton Gazeta Blic.
“Isha i frikësuar në atë moment. Dhe tani, ta shohësh sërish gati për të luajtur futboll është një lajm i madh. Mendoj se për Christian, dera është gjithmonë e hapur”, përfundoi Conte.
