Presidentja e vendit, Vjosa Osmani ka uruar krishtlindjet ortodokse të gjithë qytetarëve ortodoks, përcjell InLajmi.
Osmani ka shkruar se festat gjithnjë ngjallin shpresë tek njerëzit që të kemi një të ardhme sa më të mirë.
Ajo në njëfarë mënyre ka ngushëlluar të gjithë qytetarët duke kujtuar situatën pandemike që po përballemi, e cila ka theksuar se na duhet solidariteti.
‘’Kjo festë sjelltë në shtëpitë tuaja gëzim! Drita, dashuria dhe shpresa e pakufishme bashkoftë njerëzit në çdo shtëpi në pritje të ditëve më të mira!’’, ka shkruar Osmani.
Postimi i plotë i saj:
Të nderuar qytetarë të besimit ortodoks,
Festat gjithnjë ngjallin shpresën për një të ardhme më të mirë.
Sikurse krejt bota, edhe ne po përballemi me pandeminë, ndaj na duhet solidariteti, duke e konsideruar ngadhënjimin ndaj pandemisë njëlloj rilindje për njerëzimin.
Kjo festë sjelltë në shtëpitë tuaja gëzim! Drita, dashuria dhe shpresa e pakufishme bashkoftë njerëzit në çdo shtëpi në pritje të ditëve më të mira!
Gëzuar për shumë mot Krishtlindjen ortodokse!/InLajmi/
