Oda e Afarizmit të Kosovës (OAK) ka kërkuar nga kryeministri i Kosovës, Albin Kurti dhe Qeveria e Kosovës që të bëjnë ndryshime në Ligjin për Festat Zyrtare në Republikën e Kosovës, përcjell InLajmi.
Kështu ka bërë me dije Oda e Afarizmit të Kosovës përmes një njoftimi për medie.
“Praktikat e deritanishme që ditët e festave që bien në ditë vikendi, të zëvendësohen me pushim gjatë ditëve të punës, përkatësisht Neni 4 i Ligjit për Festat Zyratre, sipas të cilit kur ditët e festave zyrtare të cekura në nenin 2 të këtij ligji bien ditën e shtunë ose të diel, ditë pushimi do të jenë ditët pasardhëse të punës”,bëjnë me dije nga Oda e Afarizmit të Kosovës.
Tutje OAK kërkon që festat zyrtare të mos zëvendësohen me ditë punë në rastet kur ato bien gjatë ditëve të vikendit, por ditë pushimi të jetë vetëm dita e cila është ditë pushimi”, thuhet në reagim.
Gjithashtu kërkohet që të ditët e festave të festohen por të mos jenë ditë pushimi, ditët si 9 Prilli, Dita e Kushtetutës dhe 9 Maj Dita e Evropës.
Po ashtu Oda e Afarizmit të Kosovës kërkon që festat e komuniteteve të jenë ditë pushimi për këto kategori, por jo edhe për gjithë vendin./InLajmi/
