Kreu i PDK-së Memli Krasniqi, ka ngushëlluar familjen e ish-kreut të UÇK-së, Kadri Veseli, për vdekjen e nënës së tij, përcjell InLajmi.
Krasniqi tha se me dhimbje të madhe e ka pranuar lajmin për vdekjen e nënës Ajshe.
Ai ka kujtuar nënën e Veselit duke e quajtur grua të fortë e bujare.
‘’Nëna Ajshe ishte grua e fortë e bujare, nënë e një heroi të gjallë, që i rriti e i edukoi bijtë e saj në frymën e atdhedashurisë. Një jetë e tërë me sakrifica, pa kursyer asgjë nga vetja, ku krenaria mposhti mallin për të birin, që në çdo etapë i shërbeu Kosovës. E tillë ishte jeta e nënës Ajshe, e cila i mbylli sytë pa e pasur pranë djalin e saj, Kadriun’’, shkruan ai.
Postimi i plotë i tij:
Në këtë fillimvit, me dhembje të madhe morëm lajmin për vdekjen e nënës së ish-kryetarit Kadri Veseli, nënës Ajshe.
Nëna Ajshe ishte grua e fortë e bujare, nënë e një heroi të gjallë, që i rriti e i edukoi bijtë e saj në frymën e atdhedashurisë. Një jetë e tërë me sakrifica, pa kursyer asgjë nga vetja, ku krenaria mposhti mallin për të birin, që në çdo etapë i shërbeu Kosovës. E tillë ishte jeta e nënës Ajshe, e cila i mbylli sytë pa e pasur pranë djalin e saj, Kadriun.
Unë dhe gjithë Partia Demokratike e Kosovës sot i bashkohemi dhembjes së familjes Veseli dhe u shprehim ngushëllimet më të sinqerta.
Shpirti i nënës Ajshe u prehtë në paqe!/InLajmi/
