Koreja e Jugut njoftoi të premten se do të bëjë blerjen e ilaçeve kundër virusit Covid-19, që autoritetet shëndetësore miratuan për përdorim urgjent muajin e kaluar, transmeton InLajmi.
Kryeministri Kim Boo-kyum njoftoi gjatë një takimi se dërgesa e parë me 1 milion pilula antivirale do të arrijë javën e ardhshme.
“Ne do të sigurohemi që ato të mund të përdoren me shpejtësi në fushën mjekësore”, tha ai.
Koreja e Jugut ka nënshkruar tashmë një marrëveshje për blerjen e pilulave anti-Covid me kompanitë farmaceutike amerikane Pfizer dhe MSD, për të marrë mbi 1 milion pilula Paxlovid për pacientët.
Muajin e kaluar, agjencia e sigurisë së ilaçeve të vendit ka miratuar përdorimin urgjent të ilaçit antivirus të Pfizer, e që është ilaçi i parë oral që do të përdoret për pacientët me koronavirus në Korenë e Jugut.
Aktualisht, Koreja e Jugut po lufton me variantet delta dhe omicron, ku edhe janë raportuar 3.717 raste të reja në 24 orët e fundit, duke e çuar numrin total të rasteve në 657.508, sipas të dhënave të Ministrisë së Shëndetësisë.
Me 45 viktima të tjera, numri i të vdekurve tani është rritur në 5.932, shkruan Anadolu Agency.
Sipas agjencisë, 42.84 milionë njerëz, ose 83.5% e popullsisë 52 milionëshe të vendit, janë vaksinuar plotësisht. /InLajmi/
