Hulumtimet e fundit në Japoni tregojnë se variant Omicron është më i lehtë se variant Delta dhe më pak ngjitës, transmeton InLajmi.
Por a është kjo për shkak të vaksinave apo diçka tjetër?
Zyrtarë të lartë në Organizatën Botërore të Shëndetësisë (OBSH) treguan më 4 janar se Omicron shkakton një rrezik më të ulët në përkeqësimin e gjendjes sesa variantet e tjera.
Kur koronavirusi infekton një person, infeksioni përhapet në të gjithë trupin dhe qelizat e infektuara bashkohen me qelizat e tjera normale. Kështu besohet se kur qelizat e shkrira formojnë një masë të madhe, mund të çojnë në kushte serioze si dëmtimi i organeve të brendshme.
Genotype to Phenotype Japan (G2P-Japan), një ekip hulumtues për koronavirusin i bazuar kryesisht në Institutin e Shkencave Mjekësore të Universitetit të Tokios, lëshoi raport, sipas të cilit varianti Omicron nuk lidhet me qelizat njerëzore aq lehtë sa bën varianti Delta, shkruan The Mainichi.
Për të krahasuar dallimet midis 2 varianteve, ekipi infektoi qelizat e kultivuara me origjinë njerëzore dhe krahasoi se sa lehtë shkriheshin ato me qelizat normale rreth tyre. Rezultatet e tyre treguan se varianti i Omicron ishte dukshëm më pak “ngjitës”. /InLajmi/
