Në të gjitha shkollat fillore dhe të mesme të vendit pushimi dimëror ka filluar me 31 dhjetor të vitit 2021, derisa mësimi, gjegjësisht periudha e 2-të e këtij viti shkollor do të fillojë me 10 janar, shkruan InLajmi.
Këtë e ka bërë me dije për Gazetën InLajmi, zëdhënësja e Ministrisë së Arsimit, Shkencës dhe Teknologjisë dhe Inovacionit (MASHTI), Iliriana Pylla në një prononcim të shkurtër.
“Sipas vendimit të fundit të MASHTI, periudha e 2-të e këtij viti shkollor fillon më 10 janar 2022. Deri tani nuk ka vendim për ndryshim të datës së fillimit të periudhës së 2 të vitit shkollor 2021 -2022, kështu që të gjitha përgatitjet janë bërë që mësimi të fillojë siç ka qenë e paraparë”, tha Pylla për Gazetën InLajmi.
Këto ditë në vendin tonë ka filluar të rriten numri i rasteve të prekura me koronavirus dhe po ashtu është diskutuar për ashpërsim të masave, por që ende asgjë zyrtare nuk ka.
Por në rast se do të ketë shtrëngim të masave, gjegjësisht ndryshim të mënyrës së mbajtjes së mësimit apo shtyrje të pushimit dimërorë, Pylla dha këtë përgjigje.
“Tash për tash është ky njoftim ndërsa të dielën më 9 janar MASHTI do të dalë me një komunikatë zyrtare”, tha tutje ajo.
Ndryshe, më poshtë mund të njoftoheni për oraret e orëve mësimore të cilat do të zëvendësohen gjatë këtij viti.
Në muajin janar, 2022 zëvendësimi të bëhet me datat: 15.01.2022 dhe 29.01.2022;
Në muajin shkurt, 2022 me datat: 12.02.2022 dhe 26.02.2022.
Në fund të periudhës së 3-të, për nxënësit të cilët e përfundojnë shkollën e mesme të lartë klasën e 12-të (maturantët), zëvendësimi të bëhet me datat: 16.05.2022, 17.05.2022, 18.05.2022, 19.05.2022, 20.05.2022.
Për nxënësit e klasave 9, 10 dhe 11-të, zëvendësimi bëhet me datat: 06.06.2022, 07.06.2022, 08.06.2022, 09.06.2022, 10.06.2022.Për nxënësit e klasave 1-8 dhe fëmijët parafillor, zëvendësimi do të bëhet me datat: 20.06.2022, 21.06.2022, 22.06.2022, 23.06.2022 dhe 24.06.2022./InLajmi/
