Lëvizja Vetëvendosje në Gjilan ka arritur koalicion me Partinë Demokratike të Kosovës për të qeverisur në 4 vitet e ardhshme.
Këtë e ka bërë të ditur Riad Rashiti, ushtrues i detyrës së kryetarit të PDK-së në Gjilan.
Ai tha se PDK-ja do ta marrë nënkryetarin dhe 4 drejtori.
“Kemi arritur marrëveshje para pak minutave me Vetëvendosjen për të bashkëqeverisur në Gjilan. PDK do të marrë 4 drejtori nga 12 sa janë gjithsej dhe pozitën e nënkryetarit të komunës“, ka thënë Rashiti për Sinjalin.
Kujtojmë që Gjilani shkoi në balotazh, ku u ballafaquan Lutfi Haziri nga LDK dhe Alban Hyseni nga VV. Pas numërimit të 100% të votave, Alban Hyseni fitoi garën për të parin e kësaj komune.
