Presidenti i Serbisë, Aleksandar Vuçiq, mbrëmë ka biseduar në telefon me Novak Gjokoviqin dhe ka thënë se në përputhje me të gjitha normat e së drejtës publike ndërkombëtare, Serbia do të luftojë për Gjokoviqin, për drejtësinë dhe të vërtetën.
“I thashë Novakut tonë se e gjithë Serbia është me të dhe se autoritetet tona po marrin të gjitha masat për të ndaluar maltretimin e tenistit më të mirë në botë në një periudhë sa më të shkurtër të mundshme”,ka shkruar Vuçiq mbrëmë në llogarinë e tij në Instagram, raporton Tanjug.
Reagimi i kryetarit të Serbisë erdhi pasi Australia ia anuloi vizitën tenistit Novak Gjokoviq në pjesëmarrjen në turneun e madh të tenisit “Australian Open”, transmeton Klankosova.tv.
Anulimi i pjesëmarrjes në turneun e madh të tenisit ndodhi shkaku i mosvaksinimit të tenistit.
