Alergjitë e stinës në këtë periudhë është një ndër temat më të folura kohët e fundit, të cilat janë kryesisht më të pranishme tek fëmijët.
Doktoresha Alketa Ibranji filloi biseden me një apel ndaj prindërve për të treguar kujdes kundrejt fëmijëve të tyre. Ajo u shpreh se nuk duhet të neglizhohen disa simptoma fare të vogla, pasi sipas saj më vonë mund të çojnë në problem të mëdha shëndetësore, si sëmundja e astmës.
“Një sinozit i përsëritur me patjetër që mjekut pediatër duhet t’i shkojë mendja tek alergjitë. Nënat të cilat thonë se çdo dimër fëmijët kalojnë bronkitet, në këtë mënyrë duhet të kërkojnë ndihmën e arkeologut. Alergjia është një problem kronik. Dhe fëmijët e prekur, nuk është se do të vuajnë gjatë gjithë kohës, por është më shumë sezonal. Prandaj, nuk duhet të neglizhohet nga prindërit, pasi një anashkalim i vogël mund të ketë pasoja afatgjata më vonë siç mund të jetë shfaqja e sëmundjes së astmës”, u shpreh alergologe Ibranji.
Ndër të tjera në studio, ajo u ndal në dy grupimet më të mëdha të alergjive të cilat i klasifikoi ato në alergji të formës së lehtë dhe ato të rënda. “Alergjitë vijojnë nga format më të lehta në atë më të rëndat, format e lehta mund të jetë një teshtima, kruajtja e veshëve e fytit, dhimbje e kraharorit, etj. Këto janë disa nga simptomat e alergjive të lehta”, tha ajo.
Ajo gjithashtu u ndal më specifikisht në disa element, të cilat vlejnë si indicie për shfaqjen e alergjive tek njeriu. Ku ndër to përmendi, pluhurat e shtëpisë, myku, etj.
Në përfundim të kësaj interviste alergologia Ibranji u shpreh se ka ardhur në tendencë rritje kohët e fundit shfaqja e alergjive nga karkalecat e detit tek të rriturit, ndërsa tek fëmijët ende mbetet qumështi dhe veza si dy produktet më problematik nga alergjitë.
“Një shkaktar i shfaqjes së alergjive është pluhuri në shtëpi, gjithashtu edhe myku i krijuar për shkak të lagështirës. Ambientet e mbyllura janë një ndër faktorët kryesor në këto raste, duhet ajrosur ambienti i mbyllur. Është një tendencë në rritje alergjia tek të rriturit të shkaktuar nga karkalecat e detit. Ndërsa tek fëmijët janë qumështi dhe veza që kryesojnë tek fëmijët”, përfundoi alergologia Ibranji për Ora news.
Ndërkohë, në përfundim të bisedës me moderatoren Ana Kallaku, ajo sërish ngulmoi duke iu drejtuar publikut me mesazhe sensibilizuese, dhe duke u kërkuar atyre që mos të tregohen neglizhentë, por për çdo problematikë shëndetësore të drejtohen tek mjeku i familjes dhe jo tek farmacisti. Pasi, sipas saj antibiotikët e marra po recetë nga mjeku, bëjnë të mundur vonimin e një vizite dhe diagnostikimin më vonë të një patologjie.
