Policia e Kosovës, ka bërë të ditur se të mërkurën rreth orës 22:00 në Prishtinë, është raportuar për një therje me thikë, përcjell InLajmi.
Lajmin për Gazetën InLajmi e ka konfirmuar, zëdhënësi i policisë për rajonin e Prishtinës, Daut Hoxha.
Incidenti ka ndodhur në rrugën B, ku viktima mashkull është sulmuar fizikisht nga disa persona të panjohur.
I njëjti ka pësuar lëndime trupore nga arma e ftohtë (thikë), dhe ka marrë tretman mjekësor, e më pas është liruar për në shtëpi.
Njoftimi i plotë nga Policia e Kosovës:
LËNDIM I RËNDË TRUPOR Rruga B, Prishtinë 05.01.2022, 22:00. Viktima mashkull kosovar ka raportuar se është sulmuar fizikisht nga persona të panjohur dhe i njëjti ka pësuar lëndime trupore nga arma e ftohtë (thikë). Viktima është dërguar për tretman mjekësor dhe më pas është liruar për në shtëpi./InLajmi/
