Policia në Kazakistan vrau dhjetëra protestues që u përpoqën të sulmonin ndërtesat administrative gjatë natës në qytetin më të madh të vendit Almaty, transmeton InLajmi.
“Mbrëmë, forcat ekstremiste u përpoqën të sulmonin ndërtesat administrative, departamentin e policisë së qytetit Almaty, si dhe komisariatet e policisë lokale. Dhjetëra sulmues u eliminuan”, tha zëdhënësi i policisë Saltanat
Sipas mediave lokale, Ministria e Brendshme tha se të paktën 8 oficerë të zbatimit të ligjit janë vrarë dhe 317 janë plagosur gjatë dhunës në protestë.
Kazakistani si një nga republikat më të qëndrueshme në Azinë Qendrore, po përballet me krizën e tij më të madhe në dekada, për shkak të rritjes së çmimeve të karburantit. E nga kjo po bëhen protesta, ku protestuesit po sulmojnë ndërtesat qeveritare, shkruan Barrons.
Një aleancë ushtarake e udhëhequr nga Rusia tha se do të dërgonte forca paqeruajtëse për të “stabilizuar” vendin. /InLajmi/
