Minstri i Financave Hekuran Murati së bashku me drejtorin e Doganës, Agron Llugaliu sot përmes një konference për medie kanë bërë me dije të arriturat që kanë qenë gjatë vitit 2021 në Doganën e Kosovës, raporton InLajmi.
Ministri Murati tha se në Doganën e Kosovës në përgjithësi është shënuar një rekord në të hyra.
“Ka edhe indikatorë më të mirë që flasin për performancën më të mirë. Në përgjithësi të hyrat kanë arritur një nivel të jashtëzakonshëm. Kemi indikatorë edhe performancë edhe në tregtinë e jashtme. Po ashtu edhe për mbledhjen e të hyrave, pra ka të hyra edhe në rritjen e efikasitetit në luftimin e kontrabandës. S’ka trajtime preferenciale dhe s’ka lëshime nga ana e shtetit. Luftimi i kontrabandës mbetet prioritet”,tha Murati.
Ndryshe, ministri Murati përgëzoi stafin e Doganës, teksa tha se shpreson se së bashku edhe në vitin që jemi do ketë rezultate edhe më të mira. /InLajmi/
