Ministri i Mbrojtjes, Armend Mehaj ka theksuar se për 40 javë qeverisje, gjatë vitit 2021, në 53 mbledhjet e mbajtura të qeverisë janë miratuar 119 projektligje, përcjell InLajmi.
Sipas tij, janë sjellë 434 vendime dhe këto 119 projektligje kanë shënuar numrin më të madh të projektiligjeve të miratuara në qeveri brenda vitit.
Tutje ai ka shtuar se përveç numrit rekord të projektiligjeve, kanë shënuar rritje edhe në cilësi, duke qenë se projektligjet janë të bazuara në opinionet e Komisionit të Venecias dhe përbëjnë një standard shumë të lartë.
Mehaj tregon se këto të dhëna i kanë krahasuar me vitet e kaluara në kuadër të shënimeve dhe viti 2021 ka qenë viti me numrin dukshëm më të madh të projektligjeve që ka miratuar qeveria.
Postimi i plotë i tij:
Viti 2021 paraqet rekord për nga numri i projektligjeve të miratuara nga Qeveria e Republikës së Kosovës.
Për 40 javë qeverisje në vitin 2021, kishim 53 mbledhje të Qeverisë, që kanë sjellë 434 vendime, prej tyre 119 projektligje, numri më i madh ndonjëherë i projektligjeve të miratuara në qeveri brenda vitit.
Përveç për nga numri rekord, kemi shënuar rritje edhe në cilësi, meqë shumë nga projektligjet janë të bazuara në opinionet e Komisionit të Venecias, që përbën një standard shumë të lartë.
Në 14 vite për të cilat disponojmë shënime, viti 2021 është viti me numrin dukshëm më të madh të projektligjeve që ka miratuar Qeveria. Viti i 2-të me radhë ka qenë viti 2008, me 89 projektligje të miratuara.
65% më shumë ligje të miratuara në 2021 se sa në 2020, dhe 91% më shumë se në 2019. Në përgjithësi rreth 50% më shumë se mesatarja vjetore e 13 viteve të fundit. /InLajmi/
